Басқарма басшысы – Бекенбаев Еркен Набиевич.

Басқарма құрылымы:

• Медициналық жабдықтарды пайдалану бөлім
• Медициналық емес жабдықтарды, ғимараттар мен көлікті пайдалану бөлімі
• IT-қамтамасыз ету бөлімі

Басқарманың міндеттері:

1. Орталықтың инфрақұрылымы мен өндірістік ортасын жұмыс жағдайында ұстау, сервистік қызметтер мен жұмыстар көрсету;
2. Ғимараттар мен құрылыстарды пайдалануды үздіксіз қамтамасыз ету;
3. IT-инфрақұрылымды қамтамасыз ету;
4. Орталықтың құрылымдық бөлімшелерін материалдық-техникалық ресурстармен, автокөліктермен қамтамасыз ету;
5. Жұмысты ұйымдастырудың жаңа әдістерін, оның ішінде қазіргі заманғы ақпараттық технологияларды пайдалану негізінде жетілдіру және енгізу, Орталықтың материалдық – техникалық базасын кеңейту және нығайту.

Басқарманың қызметтері:

Жүктелген міндеттерге сәйкес сервистік-шаруашылық басқарма мынадай функцияларды жүзеге асырады:

• Орталықтың ғимараттарын, үй – жайларын күтіп ұстау және оларды қолданыстағы санитарлық-гигиеналық және өртке қарсы нормалар мен ережелерге сәйкес тиісті жағдайда ұстау;
• Жабдықтардың (лифтілер, жарықтандыру, жылумен жабдықтау, желдету, ауа баптау, сумен жабдықтау және су бұру жүйелері және т. б.) жарамдылығын бақылау, жылу энергиясы мен су шығыстарының есебін жүргізу;
• Орталықтың ғимараттарын, үй-жайларын, сумен жабдықтау жүйелерін, ауа құбырларын және басқа да құрылыстарды реконструкциялаудың, күрделі және ағымдағы жөндеудің ағымдағы және перспективалық жоспарларын әзірлеу және бекіту;
• Ғимараттарға, үй-жайларға жөндеу жүргізу, жөндеу жұмыстарының сапасын бақылауды қамтамасыз ету;
• Аумақты абаттандыру, көгалдандыру және жинау жұмыстарын жүргізу;
• Жабдықтар, оргтехника, жиһаз, шаруашылық тауарларды сатып алуға келісім-шарттар жасау үшін қажетті құжаттарды дайындау;
• Кәсіпорынның, іргелес аумақтың ғимараттары мен үй-жайларын күтіп-ұстауға арналған шығыстар сметасын жасау;
• Құрылымдық бөлімшелерді кеңсе керек-жарақтарымен, жабдықтармен, ұйымдастыру техникасымен, жиһазбен, шаруашылық тауарларымен қамтамасыз ету, олардың жұмсалу есебін жүргізу және белгіленген есептілікті жасау;
• Жиһаздың, шаруашылық мүкәммалдың, инженерлік және басқару еңбегін механикаландыру құралдарының сақталуын қамтамасыз ету, бүлінген немесе зақымданған жағдайда оларды қалпына келтіру және жөндеу жөнінде шаралар қабылдау;
• Ұйымдастыру техникасы мен жабдықтарына техникалық қызмет көрсетуді және жөндеуді ұйымдастыру;
• Көлік қызметін көрсетуді қамтамасыз ету, моторесурстар мен ЖЖМ шығыстарының есебін жүргізу;
• Орталық қызметкерлерін телефон және факсимильдік байланыспен және т. б. қамтамасыз ете отырып, еңбек ету үшін барынша жағдай жасау, барлық әлсіз токты жүйелерді, ғимараттың автоматика жүйелерін пайдалану.