Ортопедия және остеоонкология орталығының меңгерушісі - Жадыгеров Дан Болатұлы, жоғары біліктілік санатты травматолог-ортопед дәрігері, іскерлік әкімшілік магистрі (MBA), Қазақстан Республикасы Денсаулық сақтау үздігі, Қазақстан травматолог-ортопедтер қауымдастығының (ҚТОҚ) мүшесі, спорттық травматологтар, артроскопиялық және ортопедиялық хирургтар, реабилитологтар қауымдастығының (СТАОРА) мүшесі.        

АҚШ, Израиль, Германия, Польша, Қытай, Оңтүстік Корея, Үндістан, Ресейде тағылымдамадан өткен.

Бөлімше тірек-қимыл жүйесі аурулары мен зақымдану салдары бар пациенттерге жоғары мамандандырылған медициналық көмек көрсетуге маманданған, кез келген күрделілік дәрежесіндегі ортопедиялық түзетуді, сондай-ақ тамыр ауруларын емдеуді жүргізеді.

Ортопедия, остеоонкология және тамыр хирургиясы орталығы - Қазақстан мен Орта Азиядағы гемофилия операциялары жүргізілетін жалғыз орталық. 

Бөлімнің қызметтері:

• Жарақат салдарымен және әртүрлі дегенеративті аурулармен ауыратын пациенттерді емдеу;
• Ірі буын аурулары және сүйектердің ісік жарақаттары бар пациенттерге ортопедиялық көмек көрсету;
• Гемофилиямен ауыратын науқастарға ортопедиялық көмек көрсету;
• Жалған буындар мен өспеген сынықтарды оперативті емдеу, аяқ-қол сүйектерінің дұрыс өспеген сынықтарын және деформацияларын түзету;
• Әр түрлі тамырлы ауруларды диагностикалау мен емдеуді ең заманауи деңгейде жүзеге асыру;
• Қолқа және магистральді артериялар патологиясы кезінде аса күрделі хирургиялық араласуларды орындау. Сонымен қатар, тамырлы хирургия орталығында веноздық жүйе патологиясы бар науқастарға толық көмек көрсетіледі.
• Заманауи ғылым жетістіктеріне сәйкес және жаңа аппаратураларды пайдалана отырып, жоғары білікті медициналық көмек көрсету.

Қызметтер спектрі:

Тірек-қимыл жүйесі ауруларының диагностикасы, алдын алу және емдеу:

• Ірі буындарды модульдік (онкологиялық) эндопротездеу;
• Тізе және жамбас буындарын эндопротездеу;
• Иық буынын эндопротездеу;
• Остеохондропатия (сүйектердің асептикалық некрозы);
• Крест тәрізді байламдардың жарақаттары;
• Тізе буынының коллатеральды байламдарының жарақаттары;
• Аяқ-қолдардың туа біткен патологиялары;
• Туа біткен жамбастың шығып кетуі;
• Ірі буындардың артроскопиялық реконструктивті хирургиясы;
• Ең озық әдістермен ұзын құбырлы сүйектердің остеосинтезі;
• Аяқ-қолдардың деформацияларын түзету, сирақ пен санды ұзарту;
• Жарақат алу немесе жедел жою нәтижесінде пайда болған ұзын құбырлы сүйектердің ақауларын жою (сүйек ақауын 15 см-ге дейін ауыстыру).

Тамыр ауруларының диагностикасы, алдын алу және емдеу:

• Миды қанмен қамтамасыз ететін артериялар патологиясының диагностикасы (атеросклеротикалық стеноздар, патологиялық жиырылу, аневризмалық кеңею, спецификалық емес аорто-артерит);
• Мойын химодектомалары-диагностика, хирургиялық араласу;
• Қол артерияларының диагностикасы және емі (стеноздар, Бюргер тромбангииті);
• Қолқаның кеуде және іш бөлімдерін диагностикалау және емдеу (эндопротездеуді қоса алғанда);
• Аортаның висцеральды тармақтарының стенотикалық зақымдануын диагностикалау және емдеу;
• Бүйрек (реноваскулярлық) гипертензиясы кезіндегі операциялық араласулар (эндоваскулярлық араласуларды қоса алғанда);
• Спецификалық емес аорто-артериті (Такаясу ауруы) бар науқастарды кешенді тексеру және емдеу);
• Мықын артериялары мен аяқ артерияларының атеросклеротикалық зақымдануы кезіндегі диагностика және операциялық араласулар (оның ішінде эндоваскулярлық);
• Магистральдық тамырлардың аневризмалары кезіндегі оперативтік араласулар;
• Аяқ-қолдардың сыни ишемиясы бар науқастарды емдеу, табанның веноздық қан ағымын артерияландыру операциялары;
• Варикозды тамырлар - диагностика, шағын инвазивті хирургия, склеротерапия;
• Аяқ-қол лимфедемасын диагностикалау және емдеу;
• Гемодиализ үшін тамырлы қол жетімділікті қалыптастыру.

Клиника қызметкерлері - ортопедия және травматология, сүйектер мен буындардың аурулары мен жарақаттарын диагностикалау және емдеу саласындағы жоғары білікті мамандар.

Біз сізді және жақындарыңызды қабылдауға және тыңдауға, мамандығымыздың мәселелері бойынша кеңес беруге және шешуге дайынбыз. Біздің клиникада Сіз тілектестік пен сыйластыққа тап боласыз. Біздің қызметкерлер сауатты және сыпайы.

Біздің клиника тірек-қимыл аппаратының аурулары кезінде жылдам және сапалы көмек алуға болатын аймақтағы санаулы орындардың бірі.

Бөлімше дәрігерлері:

• Сагандыков Ирлан Нигметжанович - жоғары біліктілік санатты ангиохирург дәрігері, медицина ғылымдарының кандидаты. Еңбек өтілі 30 жылдан астам. Израиль, Германия, АҚШ, Литва, Қазақстан, Ресей, Оңтүстік Кореяда біліктілігін арттырды. 150-ден астам жарияланымдар мен ғылыми еңбектердің, 3 рационализаторлық ұсыныстардың, 3 патенттелген өнертабыстың авторы.
• Альмежанов Саят Дуйсенбекович - травматолог-ортопед дәрігері. Еңбек өтілі 10 жылдан астам. Германия, Чехия, АҚШ, Ресей, Қытайда біліктілігін арттырды. «Ұлттық ғылыми онкология және трансплантология орталығы» АҚ алғыс хатымен марапатталған.
• Уразамбетов Абай Есенович - жоғары санатты травматолог-ортопед дәрігері. Еңбек өтілі 16 жылдан астам. Қазақстан мен Чехияда біліктілігін арттырудан өтті.
• Кадыров Жаксылык Рахатович - бірінші біліктілік санатты травматолог-ортопед дәрігері. Германия, Үндістан, Түркия, Ресейде машықтанудан өтті.
• Жазылбаев Жанибек Серикбаевич - екінші біліктілік санатты травматолог-ортопед дәрігері. Еңбек өтілі 4 жыл.
• Тогызбаев Талгат Балгабаевич – екінші біліктілік санатты травматолог-ортопед дәрігері. Еңбек өтілі 4 жыл.
• Бакиров Аят Фуад оглы – травматолог-ортопед дәрігері. Еңбек өтілі 4 жыл.
• Сулейменов Серик Сарсенканович - жоғары санатты ангиохирург дәрігері. Еңбек өтілі 20 жылдан астам.
• Акжигитова Меруерт Туруспековна - тамырлы хирур дәрігері. Еңбек өтілі 5 жыл. Қазақстан мен Оңтүстік Кореяда біліктілігін арттырудан өтті.
• Джусубалиев Ербол Ирикович – тамырлы хирург дәрігері. Еңбек өтілі 5 жыл. Оңтүстік Кореяда, Беларусь Республикасында тағылымдамадан өтті.
• Догалбаев Ербол Кайратбекович - тамырлы хирург дәрігері. Еңбек өтілі 5 жыл. Беларусияда біліктілігін арттырудан өтті.  

Байланыс телефоны: 8 (7172) 702-900 (ішкі 1542)