Ол Дүниежүзілік қатерлі ісікке қарсы күрес күніне орайластырылады.
Кез-келген адам жасына және кәсібіне қарамастан қатерлі ісік ауруына шалдығуы мүмкін.
ҚР ДСМ статистикалық деректері бойынша "онкология" диагнозымен 205 мыңнан астам қазақстандық есепте тұр және жыл сайын қатерлі ісіктердің 35 мыңнан астам жаңа жағдайы анықталады. Аурушаңдық бойынша бірінші орында сүт безі обыры, екінші орында – колоректальды Обыр, үшінші орында – өкпе обыры, одан кейін асқазан обыры және жатыр мойны обыры.
2024 жылғы 3 ақпанда барлық ниет білдірушілер МСАК ұйымының жолдамасынсыз онколог-дәрігерлерден, хирургтардан тегін кеңес ала алады.
Қабылдауды іш, кеуде онкологиясы, бас және мойын ісіктері, тері және жұмсақ тіндер
ісіктері бойынша дәрігерлер жүргізеді.
Егер қатерлі ісікке күдік болса, науқасқа қосымша тексеру тағайындалады.
Іс-шара Ұлттық ғылыми онкология орталығының Консультативтік - диагностикалық орталығында Астана қаласы, Керей және Жәнібек хандар көшесі, 3, қабылдау уақыты: сағат 09: 00-ден 13:00-ге дейін өтеді.
Өзіңізбен бірге жеке куәлігіңіз және алдыңғы тексерулердің нәтижелері болуы қажет (олар болған жағдайда).
Сall-орталықтың телефон нөмірлері:
8 (7172) 702-911, 702-900 бойынша алдын ала жазылып, Ашық есік күні аясында кеңес алуға болады, жұмыс күндері және жұмыс уақыты:8:00-ден 17: 00-ге дейін.
Бұл іс-шараның мақсаты - халықтың назарын онкологиялық аурулардың алдын алу және ерте анықтау проблемасына аудару болып табылады.
Онкологиялық ауруды терапияға жақсы жауап беретін ерте кезеңде анықтау өте маңызды. Сондықтан дәрігерге уақытылы бару өмірді сақтайды!
Парламент Мәжілісінің жалпы отырысында «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Заң қабылданды, оның нормаларында еліміздің медицина қызметкерлерінің кәсіби жауапкершілігін сақтандыру тетігі қамтылған.
Дүние жүзіндегі жаһандық проблемалардың бірі - медицина қызметкерлерінің елеулі тапшылығы, бұл денсаулық сақтау жүйесіне елеулі сын-қатерлер мен халықтың қоғамдық денсаулығына қауіп төндіреді.
Мемлекет басшысы 2020 жылы ұлттық қоғамдық сенім кеңесінің үшінші отырысында, 2021 жылы «Алтын жүрек» мемориалының ашылу салтанатында, 2023 жылы VIII сайланған Парламенттің бірінші сессиясының ашылуында «медицина қызметкерлерінің өз құқықтарын заңмен кепілдендірілген қорғауы маңызды. Парламентшілер бұл мәселені шешуге тиісті көңіл бөлуі керек» деп атап көрсетті.
Президенттің тапсырмасы бойынша Министрлік медицина қызметкерлерінің мәртебесін арттыруға, пациенттердің құқықтарын қорғауға және медициналық көмектің сапасын арттыруға бағытталған медицина қызметкерлерінің кәсіби жауапкершілігін сақтандыру бойынша заң жобасын әзірледі.
Бұл реформаны 78 мыңға жуық дәрігер мен 181 мың орта медицина қызметкері күтуде.
Халықаралық практиканы талдаудың негізінде, сондай-ақ медициналық жұртшылықтың, мемлекеттік органдардың, сақтандыру компанияларының, Парламент Мәжілісі депутаттарының қатысуымен жүргізілген талқылаулардың қорытындысы бойынша жұмыс беруші-медициналық ұйым сақтанушы ретінде әрекет ететін қолданыстағы сақтандыру компаниялары арқылы медицина қызметкерлерінің кәсіби жауапкершілігін сақтандыру моделі ұсынылады.
Осы модельге сәйкес шағымды қарауды медициналық ұйымда бейінді сарапшыларды, кәсіби медициналық қауымдастықтарды, сақтандыру компаниясын, пациенттің өкілдерін, кәсіби медиаторларды және медиация элементтерін қолдана, өзге де сарапшыларды тарта отырып құрылған тәуелсіз комиссия жүзеге асыратын болады. Бұл кезеңде дауды медициналық ұйымның өзінде шешу ұсынылады.
Осылайша, сақтандыру бірыңғай сақтандыру пулы арқылы ашық статистикасы бар бірыңғай электрондық платформа арқылы жүзеге асырылатын болады. Бұдан басқа, тиімді өзара іс-қимыл жасау мақсатында медициналық ұйым мен сақтандыру пулының арасында сақтандыру шартын тікелей жасасу жөніндегі нормалар заңнамалық түрде бекітілген.
Сондай-ақ, құжатта мамандардың біліктілік деңгейлерін беру және растау бойынша түзету көзделген.
Медицина қызметкерлерінің кәсіби жауапкершілігін сақтандырудың ұсынылған моделі және кәсіби міндеттерін тиісінше орындамағаны үшін жазаларды ізгілендіру бірінші кезекте азаматтардың құқықтарын қорғауға, медициналық қызметтерді алу кезінде денсаулық пен өмірге келтірілген зиянды өтеуге, сондай-ақ медициналық көмектің сапасын жақсартуға бағытталған.
Медицина қызметкері үшін де, пациент үшін де үш қорғаныс деңгейі қарастырылған. Бірінші деңгейде бұл медициналық ұйым, екіншісінде-Медициналық және фармацевтикалық бақылау комитеті, үшіншісінде-сот.
Нәтижесінде, ұсынылған түзетулер кәсіби қауіптерді азайтуға, медицина қызметкерінің практикалық қызметке деген сенімін арттыруға бағытталған, сонымен қатар дәрігерге шешім қабылдауға және пациенттің өмірі мен денсаулығы үшін жауапкершілікті өз мойнына алуға мүмкіндік береді, өйткені денсаулық сақтау мамандарының клиникалық жұмысы қоғамдық пайдалы қауіппен байланысты.
Сондай-ақ, заң жобасында медициналық кәсіптің мәртебесін көтеруге және заңды қаржылық қорғауға бағытталған бірқатар түзетулер бар. Ауылға жұмысқа келетін медицина қызметкерлері бір мезгілде 100 ЕТЖ алады, 1000 АЕК мөлшерінде біржолғы төлеммен «Қазақстанның еңбек сіңірген дәрігері» құрметті атағы белгіленеді, сондай-ақ жыл сайын «Мамандығы бойынша үздік» республикалық конкурсы өткізіледі, оның жеңімпаздары 500 АЕК алады.
Барлық медицина қызметкерлерінің балалары балабақшаларға қабылдануға басым құқыққа ие болады. Қызметтік міндеттерін атқару кезінде қаза тапқан не мүгедектік алған медицина қызметкерлерінің балаларын ЖОО-ға конкурстан тыс қабылдау ұсынылады. Сондай-ақ медицина қызметкерлеріне медициналық мамандық бойынша әскери қызмет өткеру немесе әскери қызметке шақырудан кейінге қалдыру құқығы беріледі.
Сонымен қатар, темекі өнімдерін тұтынуды шектеу бойынша қабылданған нормалар вейптерді әкелуге, өндіруге, сатуға және таратуға тыйым салады. Олардың айналымы үшін қылмыстық жауапкершілік енгізіледі: сату– 50 тәулікке дейін қамауға алу, әкелу және тарату – 2 жылға дейін бас бостандығынан айыру, қылмыстық топ жасаған сол әрекеттер үшін немесе аса ірі мөлшерде немесе бірнеше рет – 5 жылға дейін бас бостандығынан айыру.
Бұған дейін Мемлекет басшысы вейптер мен электрондық темекілерді ұлт денсаулығына қауіп деп атағанын естеріңізге сала кетейік.
Денсаулық сақтау министрлігі Парламент Мәжілісінің депутаттарына, барлық медициналық жұртшылыққа, мемлекеттік органдарға атқарылған жемісті және мазмұнды жұмысы үшін зор алғысын білдіреді.
Қатерлі ісік ауруларына жататын дертке статистика бойынша орта есеппен 65 жастағылар шалдығады. Дегенмен дәрігерлер кейінгі уақытта жастардың арасында да кездесіп отырғанын айтты.
Дерттің емі – сүйек кемігін трансплантациялау арқылы консервативті ем қолдану. Осылайша, аурудың асқынуының алдын алып, ісіктің ұлғаюын болдырмауға болады.
Сондай-ақ дәрігерлер аурудың белгілеріне көкбауырдың ұлғаюы, гемоглобиннің төмендеуі, яғни анемия, сүйектердің қақсауы, қанауға бейімдік, тромбоз, қышыну мен инфекциялар жататынын ескертті.
– Миелофиброзды толықтай емдеуге бола ма деген сұраққа келсек. Қазіргі уақытта миелофиброзды толықтай емдейтін дәрі жоқтың қасы. Алайда консервативті терапия мен таргеттік препараттар арқылы сүйек кемігінің қызметін жақсартуға мүмкіндік бар, – деп атап өтті Рузаль Вильданова.
Толығырақ сілтемеден оқыңыз:https://aikyn.kz/.../astanalyk--d-rigerler-elimizde-alg...
Қай елдің дәрігері ағза алмастыра алса, сол ел - дамыған мемлекет. Әлем медицинасында осындай түсінік бар.
Қаңтар айының басында Ұлттық онкологиялық орталықта ем алушы Айжан Құдароваға операция сәтті жасалғанын көрсеткен едік. Енді пациенттің туыстары дәрігерлерге алғысын айтып жатыр.
Жаңа жылдан бері Ұлттық онкологиялық орталық 3 адамға жаңа өмір сыйлады. Бірі бауыр, бірі бүйрек, бірі жүрегін ауыстырды. 3 науқасқа 2 мәйіт донор табылған. Қазір үшеуінің де жағдайы тәуір.
Арман Маралбай, трансплантолог-дәрігер:
- Соңғы 10 күн ішінде 2 мәйіттік донор табылды. Бауыр отасы жасалды, 7 қаңтар күні, 8 қаңтар күні бүйрек отасы жасалды және де кардиохирургия орталығында жүрек отасы жасалды.
Айгүл Құдарова, А. Құдарованың туысқаны: - Менің сіңлім әрбір диалезден кейін қосыла алмайды бізге келіп. Келеді де, жатып қалады. Қап-қара болып. Қан қысымы көтеріліп кетеді. Осы 7 жыл бойы қиналды. Мәйіттік донордың туысқандарына рақмет айтқым келеді. Екіншіден, басшыларға рақмет айтқым келеді. Ешқандай қорқыныш жоқ екен. 1 адамның мәйітінен 5 адам құтқарылып қалып жатыр.
Толығырақ сюжетті сілтеме арқылы көріңіздер: https://24.kz/.../634507-d-rigerler-10-k-nde-3-adam-a...
Ұлттық ғылыми онкология орталығы Көпбейінді хирургия орталығының дәрігер онколог, маммолог, хирургтары: Динара Саменова, Аяжан Есімханқызы және баплық медперсоналдардың атына науқастың жолдаған алғыс сөз хатымен таныстырамыз.
#ҰҒОО #ННОЦ #NROC #дәрігерлергерахмет #2GIS
Ұлттық ғылыми онкология орталығы Көпбейінді хирургия орталығының дәрігер онколог, маммолог, хирургтары: Динара Саменова, Аяжан Есімханқызы және баплық медперсоналдардың атына науқастың жолдаған алғыс сөз хатымен таныстырамыз.
#ҰҒОО #ННОЦ #NROC #дәрігерлергерахмет #2GIS
"ҚР-да онкологиялық аурулармен күрес жөніндегі 2023-2027 жылдарға арналған кешенді жоспар" шеңберінде онкологиялық және онкогематологиялық аурулары бар пациенттерді шығарудың әртүрлі нысандары мен дозаларында (ісікке қарсы препараттар) қазіргі заманғы нысаналы препараттармен қамту және спектрін кеңейту жөніндегі тармақ енгізілді.
Ұлттық ғылыми онкология орталығының онкогематологиялық пациенттері үшін "Қазақстан халқына" қайырымдылық қоры қаражаты есебінен дәрілік заттардың 6 атауын сатып алу көзделген.
Оның ішінде, бұл препараттар - көптеген миелома мен қатерлі плазмалық жасушалық ісіктерді емдеуде қолданылатын иксазомиб, даратумумаб, помалидомид, мидостаурин және венетоклакс сияқты препараттар - жедел миелобластикалық лейкозды емдеуде және созылмалы лимфоцитарлы жасушалы лейкозды емдеуде, блинатумомаб-жедел лимфобластикалық лейкозды емдеуде қолданылады.
Осы тармақты орындау барысында 2023 жылғы қарашадан бастап жыл соңына дейін "Қазақстан халқына" қайырымдылық қорына дәрілік заттардың қажеттілігі туралы Ұлттық ғылыми онкологиялық орталығымен 29 өтінім жіберілді (помалидомид – 12, мидостаурин – 3, даратумумаб – 5, венклекста – 4, иксозамиб – 2, блинцито-3).
2023 жылы Ұлттық ғылыми онкологиялық орталығында нысаналы препараттарды алған пациенттердің арасында Қазақстанның әртүрлі өңірлерінен, соның ішінде, Астана қаласынан – 8, Қарағанды облысынан – 4, СҚО – 3, Алматы қаласынан – 3, Ұлытау – 1, Қызылорда облысынан – 1, Павлодар облысынан – 1, Қостанай облысынан - 2, Ақмола облысынан пациенттер бар облыстар – 2, БҚО – 2, ШҚО-1 және 1 пациент Шымкент қаласынан келген.
"Қазақстан Халқына" ҚҚ әлеужелідегі аккаунтарына сілтеме:
@https://www.facebook.com/QazaqstanHalqyna
@https://t.me/qazaqstanhalqynakz
@https://www.instagram.com/qazaqstanhalqyna.kz/
#ҰҒОО #ННОЦ #NROC #онкология #гематология #онкопрепараты #помощь #благотворительность #бесплатнаямедпомощь
«Гастроэнтерологиялық Check-up» бағдарламасы – бұл асқазан-ішек жолдарының ауруын ерте сатысында жоюға немесе анықтауға мүмкіндік беретін кешенді тексеру.
Барлық қажетті талдаулар мен зерттеулерді қамтитын қысқа мерзімде кешенді тексеруден өткеннен кейін сіз ас қорыту жүйесінің жағдайы, олардағы патологияның немесе оның дамуының алғышарттары туралы толық ақпаратты білетін боласыз, сонымен қатар алдын-алу және емдеу бойынша маманның қажетті ұсыныстарын аласыз.
Ұсынылады:
АІЖ ауруларының алдын алу және анықтау үшін жылына бір рет өту
асқорыту жүйесінің көптеген ауруларының, соның ішінде қатерлі ісіктің (асқазан мен он екі елі ішек жаралары, асқазан мен ішек обыры, панкреатит, дисбактериоз, колит, гастродуоденит, тітіркенген ішек синдромы, гастрит) дамуын болдырмауға немесе ерте сатысында анықтауға мүмкіндік береді.
Қамтылады:
гастроэнтерологтың кеңесі
ЖҚТ, ЖНТ, қанның биохимиялық талдауларының кеңейтілген жиынтығы және т. б.
УДЗ-тексеру (ІҚА)
видеоэзофагогастродуоденоскопия, видеоколоноскопия
тексеру 2-3 күн ішінде жүргізіледі
Бағдарлама кімге көрсетілген?
«Гастроэнтерологиялық Check-up» бағдарламасы профилактикалық тексеру мақсатында (тіпті АІЖ тарапынан шағымдар болмаса да) жылына 1 рет барлық сау адамдарға көрсетілген, бірақ әсіресе осы бағдарламаларға назар аударуды ұсынамыз:
Сондай-ақ, егер Сіздің жасыңыз 40 жастан асқан болса.
Көптеген аурулар ерте кезеңде білінбейді. Оларды диагностика арқылы ғана анықтауға болады. Бірақ дәл осы кезеңдерде созылмалы және онкологиялық ауруларды емдеуге болады.
Ешбір жер ауырмаған кезде дәрігерлерге бару қалыпты жағдай.
Егер сіз сау болсаңыз, бұл процедура мұқият болуды қажет ететін «әлсіз жерлерді» көрсетеді. Егер ауру бұрыннан бар болса, ерте диагностика тиімді және арзан емделуге көмектеседі. Қалай болғанда да, чек-ап уақыт пен ақшаны үнемдейді; ұзақ, сау және сапалы өмір сүруге көмектеседі.
Сіз Call -орталықтың телефондары бойынша толық ақпарат ала аласыз және дәрігердің кеңес беруінің ыңғайлы уақытын тағайындай аласыз: 8 (7172) 702 -911, 8 (7172) 702 -900.
Біздің мекен-жайымыз: Астана қ., Керей, Жәнібек хандар көшесі, 3
Енді қазақстандықтар "Еңбекке жарамсыздық парағы" бөлімінде барлық ашылған еңбекке жарамсыздық парақтарын көре алады. Олар электрондық түрде қол жетімді және еліміздің барлық медициналық ұйымдарынан шоғырландырылған.
Мұнда қандай жаңалықтар енгізілді? Биылғы жылы біз қатаң есеп берудің "көк бланкілері" деп аталатын қағаз еңбекке жарамсыздық парақтарын толығымен алып тастаймыз.
Маңызды. Еңбекке жарамсыздық парақтарын ашу фактілері азаматтың келісімімен жұмыс берушіге беріледі. Егер бұрын жұмыс беруші қызметкердің ауырып қалғанын кейін білсе, яғни қызметкер жұмысқа шыққан кезде еңбекке жарамсыздық парағын әкелсе, енді біз еңбекке жарамсыздық парағы ашылған немесе ұзартылған сәтте хабарлаймыз.
Тиісінше, бұл мәліметтер жұмыс берушіге оның қызметкерінің еңбекке жарамсыздығына байланысты еңбекке жарамсыздық парағына шыққанын білу үшін жұмыс берушіге толығымен электрондық түрде беріледі.
Ең бастысы, еңбекке жарамсыздық парақтарын жобалауда бизнес-процесс толығымен өзгертілді, енді жұмыс берушінің қағазға қол қою қажеттілігі жойылды.
Тиісінше, бұл құжат тек электрондық форматта жүргізіледі. Бұл азамат үшін де ыңғайлы, оған емханаға немесе ауруханаға келудің қажеті жоқ, сонымен қатар жұмыс беруші үшін де ыңғайлы, өйткені бұл мәліметтер электрондық түрде толық қол жетімді болады.
Темекінің құрамында обыр ауруын тудыратын 70-тен астам химиялық заттар бар.
Темекіні кез-келген түрде пайдалану қатерлі ісіктің кем дегенде 13 түрін, соның ішінде көмей, өңеш, ауыз қуысы мен жұтқыншақ, қуық, ұйқы безі, бүйрек, бауыр, асқазан, ішек, жатыр мойны, аналық без, мұрын және оның қосалқы қуыстарының, сондай-ақ лейкоздың кейбір түрлерінің қатерлі ісік қаупін арттырады.
Қанша жаста екеніңіз маңызды емес, зиянды әдеттен – темекі шегуден бас тартып, денсаулығыңызға қамқорлық жасау ешқашан кеш емес!
