27 мамырда Қызылорда қаласында аталмыш облыстың, қаланың гастроэнтеролог, инфекционист, терапевт, жалпы практика дәрігерлері, эндоскопистер мен хирургтері ҰҒОО интервенциялық радиологиясы бар сараптамалық эндоскопия орталығының меңгерушісі, жоғары санатты эндоскопист дәрігер, медицина ғылымдарының кандидаты Қанат Батырбековтың қатысуымен кездесу өтті.

Іс-шараны Қызылорда облысының "Гастроэнтерологтар және эндоскопистер қоғамы" ұйымдастырды.

Іс – шара барысында Қанат Өмірзақұлы "Қазақстандағы ІҚА-эндоскопистің көзқарасы. Қызылорда облысында эндоскопиялық диагностиканы жақсарту мүмкіндіктері. ІҚА пациенттерімен жұмыс жасауда эндоскопист және терапевт тандемі" атты тақырыпта баяндама жасады.

"Эндоскопиялық зерттеу әдістері ішектің қабыну ауруларын диагностикалау үшін ең сенімді болып табылады. Оларды қолдану қабыну процестерінің ошақтарын анықтауға ғана емес, сонымен қатар қабыну процесінің ұзақ ағымы аясында диспластикалық өзгерістерді анықтауға мүмкіндік береді. Біз күнделікті тәжірибеде жоғары спектрлі эндоскопия мен зум-эндоскопияны қолдайтын сараптамалық кластағы эндоскопиялық жабдықты қолданамыз. Біздің Орталықта стационарлық және амбулаториялық пациенттерге диагностикалық зерттеулер жүргізіледі, ІҚА кезінде қабынудың ауырлығы мен айқындылық дәрежесіне, гастроэнтерологтардың дұрыс дәрі-дәрмектік терапиясын немесе колопроктологтардың хирургиялық емін таңдау үшін үдерістің ұзақтығына сараптамалық бағалау жүргізіледі. ІҚА бар пациенттерде эпителий түзілімдерін (полиптерді) анықтаған кезде анықталған ісіктерді кейіннен морфологиялық верификациялай отырып, эндоскопиялық алып тастау мүмкіндігі бар. Әрине, клиника мамандары аймақтық медициналық мекемелердің дәрігерлерімен бірге пациенттерді талқылау үшін телемедицина сеанстарын өткізе алады", - деп атап өтті эндоскопист дәрігер Қанат Батырбеков.