«8 наурыз» Халықаралық әйелдер күні қарсаңында Ұлттық ғылыми онкология орталығының ер азаматтары ұжымның нәзік жандыларына салтанатты құттықтау ұйымдастырды.

Ұлттық ғылыми онкология орталығы атынан Басқарма төрағасы Г.Ө. Құлқаева құттықтау сөз сөйледі.
«Біздің Орталықтың әйелдер қауымын 8 наурыз - Халықаралық әйелдер күнімен құттықтау үшін осындай жылы ынтымақты ортада жиналғанымызға өте қуаныштымын. Мен сіздерге мықты денсаулық, бақыт, жақындарыңызға бақыт, махаббат, молшылық тілеймін. Соңғы уақытта еңбекақыны көтеру мәселесі өте көп талқылануда, сондықтан біз еңбекақы сіздер күнделікті атқаратын жұмысқа лайықты болуы үшін жаңа төлем ережелерін жасауға тырысамыз деп айтқым келеді. Жақын арада біз еңбекақыны көтеру мәселесін айтарлықтай шеше аламыз. Сіздерге күнделікті тынымсыз еңбектеріңіз үшін шын жүректен алғыс айтқым келеді, сіздерге ашық аспан, барлық игілік пен бақ-береке тілеймін».

Орталықтың әйелдер қауымын медицина ғылымдарының докторы, профессор Т. А. Сұлтаналиев құттықтады.
Ал медицина ғылымдарының докторы, профессор Т.А. Әділханов әйелдерді құттықтап, Расул Гамзатовтың шығармасын оқып берді. Бұдан әрі Басқарма төрағасының медициналық қызмет жөніндегі орынбасары Ә.Қ. Мұқажанов, Басқарма төрағасының бірінші орынбасары Қ. С. Сатыбаев, Басқарма төрағасының ғылыми және білім беру қызметі жөніндегі орынбасары С. Б. Шалекенов ізгі тілектерін білдірді.
Өз сөздерінде ер азаматтар Орталықтың жұмысына әйелдердің қатысуының маңыздылығын атап өтті, қосқан үлестері үшін алғыстарын білдірді және әйелдерге денсаулық, бақыт, отбасыларына амандық, жұмыста табыс тіледі.

Музыкалық құттықтауларымен Орталық резиденттері «Асыл ана» және «Спасибо родная» композицияларымен өнер көрсетті.

Іс-шараға ер азаматтар әлеуметтік желілерде жарияланған түпнұсқа құттықтау бейнесін жазып, ықыласпен дайындалған.

Сонымен қатар, Орталықтың кәсіподақ ұйымының мерекесі қарсаңында «Көктемгі гүлдер композициясы» креативті қолөнер байқауы өткізілді. Байқау қорытындысы бойынша және 8 наурызды мерекелеу аясында байқауға қатысушыларға байқауға қатысқаны үшін алғыс сыйлықтар берілді; 1, 2, 3 орын номинациялары мен Гран-При номинациясының жеңімпаздарына арнайы сертификаттар мен ақшалай сыйлықтар берілді.