26 қаңтарда Шарите университеттік клиникасымен (Германия) кездесу өтті. Іс-шара Ұлттық ғылыми онкология орталығының онкогематология, ТКМ және онкогематологиялық реанимация орталығының басшысы Вадим Кемайкиннің төрағалығымен өтті, Герман тарапын трансплантация бөлімінің басшысы профессор Игорь Блау және бағдарлама жетекшісі Ольга Блау ұсынды.

Кездесу барысында тараптар ынтымақтастық туралы меморандумға қол қоюға және 2021 жылдың ақпан айынан бастап онкогематология мамандары үшін онлайн семинарлар өткізуді ұйымдастыруға шешім қабылдады. Бұл оқыту Дүниежүзілік банктің онкологиялық қызметтің бірқатар бағыттары бойынша, оның ішінде сүйек кемігін трансплантациялау, онкогематологиядағы диагностика және емдеу, сондай-ақ онкогематологиядағы заманауи жасушалық терапия бойынша мамандарды даярлауды көздейтін жобасы шеңберінде іске асырылады.