Астанада 2023 жылғы 7-8 қазанда медицина ғылымдарының докторы, профессор Б.В. Афанасьевті еске алуға арналған «Қазақстанда сүйек кемігін трансплантациялауға 10 жыл» атты гематологтары мен онкологтары үшін халықаралық ғылыми-практикалық конференция өтеді.

Конференцияның ұйымдастырушылары: «Астана гематологтар қауымдастығы», «Қазақстандық гематологтар қоғамы» РҚБ, «ҰҒОО» ЖШС гематологтары.

Іс-шараның өтетін орны: Астана қ., «Wyndham Garden Astana» қонақ үйі.

Спикерлер ретінде Германия, Ресейден белгілі халықаралық, шетелдік және отандық сарапшылар шақырылды. Екі күн ішінде секцияларда онкогематологиялық аурулардың мәселелері талқыланады: лимфопролиферативті аурулар, лейкоздар секциясы, миелопролиферативті ісіктер және қантүзілім депрессиялары және трансплантацияның асқынулары-трансплантаттың иесіне қарсы реакциясы.

Бұл конференцияның мақсаты - қанның онкогематологиялық ауруларымен күресу, көпсалалы топтарда, білім беру және ғылыми мақсаттарда жұмыс істеу үшін аралас мамандықтағы дәрігерлерді біріктіру.

Бұл конференция пациенттердің өмір сүру сапасы мен ұзақтығын жақсарту мақсатында қолда бар емдеу әдістерін жетілдіру үшін гематология ғылымының бірнеше мектебінің бірлестігі ретінде қызмет ететін болады.