9 желтоқсанда Халықаралық ғылыми-практикалық конференция өз жұмысын бірнеше тақырыптық бағытта жалғастырды. «Қазақстан Республикасында және шетелде радиациялық онкология мен ядролық медицинаның заманауи мәселелері» секциясында «Бас және мойын ісіктерін емдеудегі Протон терапиясы» тақырыбында онлайн форматта А. Ф. Цыба атындағы медициналық радиологиялық ғылыми орталығының радиотерапевт-дәрігері Константин Гордон баяндама жасады.

Өздеріңіз білетіндей, Протонды сәулелік терапия әдеттегі сәулелік терапиямен салыстырғанда қысқа және ұзақ мерзімді жанама әсерлері аз болуы мүмкін, өйткені ол сау тіндерге аз зиян келтіреді.
Қазіргі уақытта әлемде протондармен емдеу жүзеге асыратын 50-ге жуық орталық бар. Қазақстанда протон орталығы 2024 жылы іске қосылады деп күтілуде. Ол соңғы медициналық техникамен жабдықталады, ал біздің мамандар пациенттерді диагностикалау мен емдеудің толық циклін қамтамасыз ете алады.