Қазақстанда жыл сайын қатерлі ісік ауруының жаңа жағдайларының саны 4-9% - ға артып келеді.
Жақында әлеуметтік желілерде қазақстандықтардан шетелде емделуге, оның ішінде қатерлі ісік ауруын емдеуге қаражат жинау туралы хабарландырулар жиі пайда бола бастады. Біздің медицина адамдарға дұрыс медициналық көмек бере алмайтындай расымен қауқарсыз ба?

Бұл сұрақты біз Астанадағы Ұлттық ғылыми онкология орталығының (ҰҒОО) өкілдеріне қойдық. Жыл сайын бұл жерде Қазақстанның түкпір-түкпірінен 9000-нан астам пациент ем алады.

ҰҒОО төрағасының медициналық қызмет жөніндегі орынбасары Әділбек Мұқажановтың пікірінше, қазір қазақстандықтардың шетелге емделуге бару қажеттілігі жоқ. Онда қолданылатын барлық әдістер-хирургия, сәулелену және химиотерапия – бізде де жұмыс істейді. Шетелдік клиникаларда қызмет жақсы дамыған болса да, дәрігер мойындады: ақша үшін сізді тезірек қабылдайды және күтім жасайды.

«Бұл әркімнің өз таңдау құқығы. Маған пациенттер келіп, Түркияға немесе Оңтүстік Кореяға барып емделгісі келетінін айтады. Мен оларға тыйым сала алмаймын. Алайда, олар қайтып келіп, оларға біз сияқты тағайындау жассалғанын айтады, бірақ, мұның бәрі ақша үшін. Әрине, ерекшеліктер жоқ емес. Мысалы, бізде сүйек кемігі донорларының өте кішкентай тізілімі бар. Лейкемиямен, туыстары болмаған кезде, трансплантация жасау өте қиын. Бұл жағдайда біз сұранысты халықаралық тіркелімге жібереміз. Егер Түркияда үйлесімді донор пайда болса, біз адамды арнайы бағдарлама бойынша жібереміз», – деді Әділбек Мұқажанов.

Толығырақ сілтеме бойынша оқыңыз:: https://informburo.kz/stati/pocemu-v-kazaxstane-uvelicivaetsya-kolicestvo-onkobolnyx-i-stoit-li-exat-na-lecenie-za-granicu