Ұлттық ғылыми онкология орталығы шетелдік әріптестерімен бірлесіп, ересектер мен балалар арасындағы қатерлі ісікпен күресуге ниетті. Бұл туралы келісім Бакуде өткен Түркі дүниесі онкологтарының алғашқы конгресі аясында жасалды.

Келісім тек емдеуді ғана емес, сонымен қатар аурудың алдын алуды, ерте диагностика мен емнен кейінгі оңалтуды да қамтиды. Тәжірибе жүзінде түрлі елдерден келген ғалымдар бірлескен зерттеулер жүргізіп, жаңа емдеу тәсілдерін жүзеге асырады. Дәрігерлер тәжірибе алмасып, үздік мамандардан оқудан өте алады. Онкология саласындағы соңғы жетістіктер талқыланатын семинарлар мен конференциялар ұйымдастырылады.

Болашақта бұл онкологиялық көмектің сапасын арттыруға, науқастардың заманауи емдеу әдістеріне қолжетімділігін жақсартуға, сондай-ақ медициналық мекемелердің ғылыми білім беру әлеуетін нығайтуға мүмкіндік береді. Ең басты мақсат — емдеуді сапалы әрі қолжетімді етіп, қазақстандық науқастарға әлемдік стандарттарға сай көмек көрсету.

Меморандумға қол қойған мемлекеттер:

•    Әзербайжан Республикасы Денсаулық сақтау министрлігінің Ұлттық онкология орталығы,

•    Қазақстан Республикасы Денсаулық сақтау министрлігінің Ұлттық ғылыми онкология орталығы,

•    Қырғыз Республикасы Денсаулық сақтау министрлігінің Ұлттық онкология және гематология орталығы,

•    Еуразиялық онкологиялық қоғамы,

•    Өзбекстан Республикасы Денсаулық сақтау министрлігінің Онкология және радиология жөніндегі республикалық арнайы ғылыми-тәжірибелік медицина орталығы.