Ұлттық ғылыми онкология орталығының қызметкерлері Қан орталығының жылжымалы бекетінде ұйымдастырылған қан тапсыру акциясына қатысып, ерікті түрде донор болды.

Трансфузиялық қолдау – заманауи онкологиялық көмектің маңызды бөлігі. Химиотерапия, сәулелік терапия немесе хирургиялық ем алып жатқан науқастардың өмірлік маңызды функцияларын қалпына келтіру үшін қан құю қажет болатын жағдайлар жиі кездеседі.

Әр донация – науқас үшін өмір сүруге берілген нақты мүмкіндік. Бұған дейінгі осындай акция барысында 50-ден астам қызметкер қан тапсырып, донорлық – кәсіби жауапкершілік пен адами жанашырлықтың жарқын үлгісі екенін көрсетті.

Акцияға белсене қатысқан барша әріптестерімізге шын жүректен алғысымызды білдіреміз!