Бұл – заманауи жоғары технологиялық орталық, озық медициналық жабдықтармен жабдықталған: 128 тілік Philips Ingenuity компьютерлік томографы, Philips Ingenia 3.0T магнитті-резонанстық томографы, сондай-ақ Philips CombiDiagnost R90 рентген аппараты. Бөлімшеде қатерлі ісіктерді анықтау, ем нәтижелілігін бағалау және мультидисциплинарлық консилиумдарға қатысу мақсатында сәулелік зерттеулердің толық спектрі (КТ, МРТ, рентгенография, оның ішінде контрастты зерттеулер) жүргізіледі.
Көріністер сапасын бақылауға, пациенттердің қауіпсіздігіне және қызметкерлердің кәсіби даму деңгейін тұрақты арттыруға ерекше назар аударылады. Бөлімше ғылыми жұмыстармен белсенді айналысады, халықаралық конгрестерге қатысады (ECR, Еуразиялық радиологиялық форум және т.б.), халықаралық және ұлттық журналдарда мақалалар жариялайды, сондай-ақ резиденттерді клиникалық және зерттеу жобаларына тарта отырып оқытады.
Бөлімше меңгерушісі
КТ және МРТ дәрігері, еңбек өтілі – 13 жыл. Оңтүстік Корея, Хорватия, Германия және Ресейде біліктілікті арттыру курстарынан өткен. Халықаралық конференцияларға белсенді қатысады, озық визуализация әдістерін клиникалық тәжірибеге енгізеді, бөлімшенің ғылыми және білім беру қызметін үйлестіреді.
